Dæs hefur eignast nýja systur og sem betur fer því Dæs er nú ófáanleg! Fnæs heitir sú nýja og er hnausþykkt samansafn af gríni, fegurð og veseni síðastliðinna fimm ára. Tilvalin gjöf hvort sem það er handa þér, vinafólki, systrum, útskriftarnemum eða til að standa á svo þú lítir út fyrir að vera hærri á ljósmyndum.
Bókin er á sérstöku útgáfutilboði út vikuna en svo tekur alvaran við. Þetta er hvati, ekki hótun.
Ef þú þarft meiri sönnunargögn þá er hér tilvitnun í Egil Helgason sem var svo vænn að bjóða Fnæs í Kiljuna. Ég stal þessu af facebook og ég held að ég sé ekki að brjóta lög: „Bráðskemmtileg bók. Já, maður hlær upphátt. Lóa Hjálmtýsdóttir hefur óvenju næmt skopskyn og tilfinningu fyrir hinu ankanalega í tilverunni. Líka mjög fallegur prentgripur - þær í útgáfunni Sölku eiga heiður skilinn.“ Klonk! (hljóðið sem heyrðist þegar ég rak mig í borð af gleði yfir því að geta stolið tilvitnun frá Agli.)